اسلام آباد۔13جنوری(اے پی پی) د خارجه دفتر وياندې ممتاز زهرا بلوچ وئيلي دي پاكستان او متحده عرب امارات د تجارت ٬ سرمايه كارۍ او توان په څانګو كښی د دوه اړخيزه مرستېپه اړه د همكارۍ په لا پياوړې كولو موافقت كړے ٬ د پاكستاني حكومت او ملګرو ملتونو په ګډه كوربتوب كښې په شوي جنېوا كنفرنس كښی پاكستان ته ترلاسه كېدونكې مالي مرسته به د موسمياتي بدلونونو مخنيوي او د سېلاب ځپليو بحالۍ له مصرف كولې شي۔ د جمعې په ورځ په اوونيز پرېس بريفنګ كښې دې ووئيل وزيراعظم د متحده عرب امارات دوه ورځنۍ دوره د صدر شېخ محمد بن زايد النهيان په بلنه كوي۔ وزیراعظم د خپلې دورې په مهال د عرب امارات صدر او وزيراعظم په شمول د متحده عرب امارت دوهم صدر او د دبۍ واكمن شېخ محمد بن راشد آل مكتوم سره ملاقاتونه كړي ۔ دې ووئيل دواړو اړخونو د ملاقاتونو په مهال د پاكستان او متحده عرب امارات ترمينځه د اړيكو جاج واخست او د تجارت ٬ سرمايه كارۍ او توان په څانګو كښې د ګټه ورې همكارۍ په لا پياوړې كولو يۍ موافقت وكړو۔ د خارجه دفتر وياندې ووئيل دوي د دوه اړخيزې سرمايه كارۍ پراخه كولو او همكارۍ ته وده وركولو ته هم اتفاق كړے۔ دې ووئيل وزيراعظم به نن د متحده عرب امارات دوه ورځنۍ دوره بشپړولو څخه وروستو هېواد ته راستون شي۔ ممتاز زهرا بلوچ ووئيل د روانې اونۍ په مهال پاكستان په جنېوا كښې ډونرز كنفرنس كړے په كوم كښې چې نړيوالې ورورولۍ او مالياتي ادارو د پاكستان سېلاب ځپليو سره پراخه مرسته اعلان كړې۔ دې ووئيل دا مرسته به د موسمیاتی بدلونونو مخنيوي او د سېلاب ځپليو بحالۍ لپاره مصرف كولې شي۔ وياندې په كابل كښې د ترهګرۍ پېښې غندنه كولو سره ووئيل ترهګري دواړو هېوادونو لپاره خطر ده ٬ دې ووئيل پاكستان افغانستان سره په دې سخت وخت كښې د يووالي څرګندونه كوي۔ د خارجه دفتر وياندې د هند په غېر قانوني توګه قبضه كړي كشمير كښې د هندي عسكرو د لاسه د بشري حقونو د سنګينو خلاف ورزو غندنه كولو سره ووئيل پاكستان به په هره كچه د كشميري اولس ملاتړ دوامدار ساتي۔
پاكستان ته ترلاسه كېدونكې مالي مرسته به د موسمياتي بدلونونو مخنيوي او د سېلاب ځپليو بحالۍ له مصرف كولې شي ٬ خارجه دفتر
پاكستان ته ترلاسه كېدونكې مالي مرسته به د موسمياتي بدلونونو مخنيوي او د سېلاب ځپليو بحالۍ له مصرف كولې شي ٬ خارجه دفتر | APP Pashto service
