اسلام آباد 02 نومبر (اے پي پي) د پاكستان تحريك انصاف د اطلاعاتو مركزي سېكتر عمر سرفراز چيمه وئيلي دي چې اپوزيشن كرپشن ته تحفظ وركولو او اېن آر او ترلاسه كولو لپاره يو موټې شوے۔ د خالي په ورځ نجي ټي وي چېنل سره په خبرو كښې ده ووئيل چې اپوزيشن بدعنوانې او كرپشن ته تحفظ كولو لپاره تر يو چت لاندې راجمع شوے او دوي د مولانا فضل الرحمان د آزادې مارچ د لارې اېن آر او ترلاسه كول غواړي۔ ده ووئيل چې د وزيراعظم عمران خان حكومت په هېواد كښې د جمهوريت استحكال لپاره هڅې كړې دي او وزيراعظم كله هم د سياسي بدل اخستلو هڅه نه ده كړې۔ ده ووئيل چې د خپل حكومت خواهش لرونكي دې د راتلونكو ټاكنو انتظار وكړي۔ ده ووئيل چې سوله ايز احتجاج د هر چا حق دے خو كه چا د تشدد لار خپله كړه نو قانون به خپله لار اختيار كړي۔ ده ووئيل چې بايد مولانا په سياست كښې د تشدد نه ډډه وكړي۔ هغه دې د ادارو په ضد د خبرې كولو نه ډډه وكړي۔
اپوزيشن كرپشن ته تحفظ وركولو او اېن آر او ترلاسه كولو لپاره يو موټې شوے۔ عمر سرفراز چيمه
اپوزيشن كرپشن ته تحفظ وركولو او اېن آر او ترلاسه كولو لپاره يو موټې شوے۔ عمر سرفراز چيمه | APP Pashto service
