لاهور 02 نومبر (اے پي پي) اولس مشر ډاكټر عارف علوي وئيلي دي چې امن يوازې د پاكستان نه بلكې د ټولې نړۍ ضرورت دے٬ نړۍ په دې وخت جنګ نه امن غواړي٬ په مقبوضه كشمير كښې د بشري حقونو څخه سرغړونې كېږي٬ وزيراعظم عمران خان د زينو فوبيا او اسلام فوبيا ختمولو خبره كوي۔ ده دا خبرې د خالي په ورځ د يوتھـ موبلائزېشن ان پېس بلنډنګ سېمينار ته په خپله وېنا كښې وكړې۔ اولس مشر ووئيل چې په پاكستان كښې د ځوانانو اكثريت دے چې د پاكستان رغونې او پرمختګ سره سره په نړۍ كښې امن او امان او د مساواتو پېغام خپرونو لپاره بشپړه كردار ترسره كولې شي۔ اولس مشر ووئيل چې په مقبوضه كشمير كښې د بشري حقونو څخه سرغړونې كېږي او كشميريان د بنيادي حقونو نه محروم كړې شوي دي۔ ده ووئيل چې ټوله نِړۍ امن غواړي٬ جنګ د كومې مسئلې حل نه دے٬ د پاكستان او هند پشمول د دريمې نړۍ هېوادونه يو ډول ستونزو سره مخ دي او په ګډه به د دې حل راويستل وي۔
د اولس مشر ډاكټر عارف علوي د يوتھـ موبلائزېشن ان پېس بلنډنګ سېمينار ته وېنا
د اولس مشر ډاكټر عارف علوي د يوتھـ موبلائزېشن ان پېس بلنډنګ سېمينار ته وېنا | APP Pashto service
